Rasija vypraboŭvaje novuju hipierhukavuju rakietu
11.05.2020 / 8:22
U Rasii z borta bambavika-rakietanosca Tu-22M3 praviali vyprabavańni novaj hipierhukavoj avijacyjnaj rakiety, piša tass.ru sa spasyłkaj na krynicu ŭ abaronna-pramysłovym kompleksie RF.
Rakieta raspracoŭvajecca dla madenizavanaj viersii samalota Tu-22M3M.
Krynica adznačyła, što rakieta nie maje dačynieńnia da rakiet liniejki Ch-32, pry hetym surazmoŭca ahienctva nie nazvaŭ charaktarystyki novaj rakiety.
Raniej rasijski abaronna-pramysłovy kompleks raspracavaŭ dva vidy avijacyjnych hipierhukavych rakiet. Adna ź ich atrymała nazvu «Kinžał» i ŭžyvajecca na źniščalniku MIH-31K, jana zdolnaja razhaniacca da 10 chutkaściaŭ huku i stvoranaja na bazie rakiety naziemnaha kompleksu «Iksander». Jašče adna hipierhukavaja avijarakieta stvarajecca dla źniščalnika piataha pakaleńnia Su-57 i pavinna raźmiaščacca ŭnutry jaho fiuzielaža. Nazva rakiety i charaktarystyki nieviadomyja.
Bambavik Tu-22M3M abstalavany supraćkarabielnymi rakietami, a jaho asnoŭnaja zadača — baraćba z avijacyjnymi karabielnymi hrupoŭkami. Bambavik taksama zdolny paražać naziemnyja i marskija celi ź vialikich, siarednich i małych vyšyń.