Paśla aryštu Pratasieviča redaktaram kanała «Biełaruś hałaŭnoha mozhu» staŭ Jan Rudzik
15.06.2021 / 9:47
Vykanaŭcam abaviazkaŭ hałoŭnaha redaktara «ekstremisckaha» telehram-kanała «Biełaruś hałaŭnoha mozhu» (260 tysiač padpisčykaŭ) staŭ Jan Rudzik, udzielnik kamandy Niechta. Pra heta jon raskazaŭ u videazvarocie.
Papiarednimi redaktarami «Biełarusi hałaŭnoha mozhu» byli Ihar Łosik i Raman Pratasievič. Jany abodva aryštavanyja.
Jan Rudzik ź Minska, jamu 27 hadoŭ. Vučyŭsia ŭ Minskim inavacyjnym univiersitecie na psichołaha. Ale pa śpiecyjalnaści nikoli nie pracavaŭ, kaža, što pastupiŭ dziela korački. Niejki čas chłopiec pracavaŭ na ANT — na techničnaj pasadzie ŭ prahramie «Naša ranica».
U 2019 hodzie jon pierajechaŭ u Polšču i pajšoŭ pracavać u naviny «Biełsata», a ŭ 2020 pierajšoŭ u Niechta.