Mikałaj Snapkoŭ zahavaryŭ pra zapałki i sol: Zabiaśpiečanaść sietki hetymi tavarami — ad 12 da 46 dzion
25.02.2022 / 17:58
Namieśnik premjer-ministra Mikałaj Snapkoŭ adznačyŭ, što ŭčora va ŭsich rehijonach byŭ usplosk pakupak «kłasičnych tavaraŭ, jakija ludzi emacyjna kuplajuć na vypadak vajny». U śpisie jon nazvaŭ zapałki, sol, alej i kansiervy.
Fota: «Sputnik»
«Siońnia hetaha ŭsplosku niama. Zabiaśpiečanaść sietki hetymi praduktami — ad 12 da 46 dzion handlu. Pry nieabchodnaści hetyja tavary jość u dastatkovaj kolkaści ŭ vytvorcaŭ Biełarusi», — padkreśliŭ jon.
Čynoŭnik taksama adznačyŭ, što «Biełaruś u pryncypie moža zabiaśpiečyć siabie na spažyvieckim rynku ŭsim nieabchodnym u dastatkovaj kolkaści».
«Mahčyma, źjavicca niedachop krytyčnaha impartu, kštałtu asobnych vidaŭ śviežaj sadaviny i harodniny. Ale, dumaju, i hetaje pytańnie budzie vyrašanaje ŭ miežach źmienienych łahistyčnych łancužkoŭ», — skazaŭ jon.