Śviet

«Za 22 siekundy bort upaŭ na 2,5 kiłamietra». Flightradar24 apublikavaŭ dakładny hrafik padzieńnia samalota Pryhožyna

Servis Flightradar24, jaki adsočvaje paloty samalotaŭ pa ŭsim śviecie, apublikavaŭ padrabiaznuju spravazdaču ab apošnim palocie paciarpiełaha krušeńnie biznes-džeta Pryhožyna, piša Bi-bi-si.

Fligthradar24

Pavodle spravazdačy, samalot Pryhožyna Embraer Legacy 600 pačaŭ pieradavać svaje danyja ŭ 17:46 pa Maskvie. Kaardynataŭ jon nie pieradavaŭ, i vyznačać jaho miescaznachodžańnie Flightradar24 moh tolki z 17:59 da 18:11 pa maskoŭskim časie, kali biznes-džet addalaŭsia ad Maskvy ŭ paŭnočna-zachodnim kirunku.

Inšyja danyja samalota pakazvali, što da 18:11 jon padniaŭsia na 8,5 km i lacieŭ haryzantalna na hetaj vyšyni.

Na praciahu niekalkich nastupnych chvilin samalot krychu padymaŭsia i znoŭ apuskaŭsia, a ŭ 18 hadzin 19 chvilin i 52 abo 53 siekundy pačaŭ padać.

Ciaham nastupnych 22 siekund jon upaŭ prykładna na 2,5 kiłamietra, paśla čaho jaho pieradatčyki zmoŭkli.

Čytajcie taksama:

Na miescy krušeńnia džeta znojdzieny telefon Pryhožyna

«U piekle jon budzie najlepšym». Bijahrafija Pryhožyna

«Pucin nie daruje». Analityki pra incydent z Pryhožynym i budučyniu vahnieraŭcaŭ u Biełarusi

«Było adčuvańnie, što paśla buntu jon drenna skončyć». Blizkija da Kramla krynicy — pra mahčymuju hibiel Pryhožyna 

Voś čaho vartyja harantyi biaśpieki, vydadzienyja Łukašenkam — Cichanoŭskaja

Pryhožyn i Utkin zahinuli, ich samalot raźbiŭsia nad Vałdajem. Što viadoma na hety momant

Kamientary da artykuła