Łukašenka i Si Czińpin abmianialisia padarunkami. Kolu padaryli kitajski spartyŭny kaścium
4.12.2023 / 12:20
Łukašenka i Si Czińpin abmianialisia padčas vizitu biełaruskaj delehacyi ŭ Piekin padarunkami. Atrymaŭ padarunak i Mikałaj Łukašenka, jaki supravadžaŭ baćku ŭ hetaj rabočaj pajezdcy.
Biełaruskaj delehacyi ŭručyli jabłyki z pravincyi Chunań i karcinu, vykananuju technikaj šaŭkovaj vyšyŭki. Alaksandr Łukašenka paprasiŭ jašče adnu — vialikuju, z «kitajskaj dušoju» ŭ Pałac Niezaležnaści.
Mikałaju Łukašenku kiraŭnik KNR padaryŭ spartyŭny kaścium z kitajskim ściažkom.
Łukašenka, sa svajho boku, pieradaŭ kitajskamu lidaru vyrablenuju juvielirami kampazicyju, što simvalizuje inicyjatyvu Piekina «Adzin pojas — adzin šlach», šakaład, praduktovyja navinki ajčynnych pradpryjemstvaŭ, a taksama suvienir z vałoškami, zajaviŭšy, što hetaja kvietka — naš nacyjanalny simvał.
Paźniej Łukašenka adpraviŭsia ŭ Piekinski ŭniviersitet, dzie prachodziŭ navučańnie jaho syn Mikałaj. Ci vučycca jon tam ciapier, dakładna nieviadoma.
Čytajcie taksama:
Si Czińpin i Łukašenka abmiarkoŭvali vajnu va Ukrainie
Dvuch biełaruskich zubroŭ dastavili ŭ Kitaj
«Skolko možno sovieršať ošibki, tovariŝi?» Bondarava znajšła novaha voraha — vasilok