У Азербайджане праходзяць прэзідэнцкія выбары. Аліеў паказальна прагаласаваў у былой сталіцы Нагорнага Карабаха
7.02.2024 / 11:11
Ільхам Аліеў і першая лэдзі Мехрыбан Аліева і члены іх сям'і прагаласавалі на выбарчым участку №14 у горадзе Ханкендзі (былы Сцепанакерт). У верасні пасля капітуляцыі Народнага Карабаха горад перайшоў пад кантроль Азербайджана.
Фота: trend.az
Прэзідэнцкія выбары ў Азербайджане датэрміновыя. Ільхам Аліеў балатуецца чарговы раз.
У выбарах таксама бяруць удзел самавылучэнцы Захід Арудж і Фуад Аліеў, кандыдат ад партыі Нацыянальнага фронту Разі Нурулаеў, ад Партыі вялікага стварэння — Фазіль Мустафа, ад Партыі «Вялікі Азербайджан» — Эльшад Мусаеў, ад Партыі адзінага Народнага Фронту Азербайджана — Гудрат Гасангуліеў, піша Trend.az.
Ільхам Аліеў кіруе краінай з 2003 года, да гэтага дзесяць гадоў прэзідэнтам быў яго бацька Гейдар Аліеў.
Чытайце таксама:
Аліеў падтрымаў прапанову Лукашэнкі забудаваць Карабах
У Сцепанакерце (Ханкендзі) адбыўся азербайджанскі вайсковы парад