Hramadstva

Na ANT novaja zorka prapahandy — dačka Marata Markava

Telekanał ANT zapuściŭ internet-prajekt «Likbiez BY». Admietnaje ŭ im pieradusim toje, što viadučaj stała dačka staršyni praŭleńnia ANT Marata Markava.

Nastaśsia Markava. «Biełpoł» paćvierdziŭ, što, miarkujučy pa infarmacyi ŭ bazach, jana dačka Marata Markava.

Nastaśsi Markavaj 33 hady. Jana vypusknica jurydyčnaha fakulteta BDU. Dziaŭčyna pracuje vykładčycaj u Jurydyčnym kaledžy BDU. Try hady tamu jana ŭładkavałasia jašče i ŭ dyrekcyju internet-viaščańnia ANT, a ciapier źjaviłasia i ŭ kadry.

Supadzieńnie ci nie, ale baćka Nastaśsi, Marat Markaŭ, užo siem hadoŭ uznačalvaje hety telekanał.

Marat Markaŭ u «Kłubie redaktaraŭ» na BT

«Ja tut u kancy minułaha hoda prydumała rubryku. A ciapier my sabralisia i zrabili jaje na ONT.BY! Kožny tydzień budziem raspaviadać prosta ab składanym, aktualnym i važnym. Tak što z pačynam mianie», — pachvaliłasia Nastaśsia ŭ instahramie.

Pra što byŭ pieršy vypusk Likbiez BY? Manałoh Markavaj z zaklikam udzielničać u hałasavańni i źviestkami pra toje, jakaja adkaznaść jość za niajaŭku na vybary ŭ roznych krainach.

Siamichvilinny rolik za pieršyja sutki nabraŭ na jutubie kala 3000 prahladaŭ, choć u kanała ANT dekłarujecca bolš za 1 miljon padpisčykaŭ.

U telehramie ANT rolik Nastaśsi Markavaj prasoŭvaŭsia pad nazvaj «Palityčnyja suteniory biehłych vielmi nie chočuć, kab biełarusy išli na vybary».

Čytajcie taksama:

Kiraŭnik ANT Markaŭ: Mnie b chaciełasia, kab my pajšli dalej, kab u atačeńni «Vahniera» i 3214 pili spakojna kavu na Jelisiejskich palach

Čamu Markaŭ nie Sałaŭjoŭ. Čym adroźnivajecca biełaruskaja i rasijskaja prapahanda

«Pieramoha jašče nie zdabytaja». Kiraŭnica internet-prajektaŭ ANT zvolniłasia. I pierajechała žyć u Aŭstraliju 

Inha Chruščova: Markaŭ — pychlivy, Azaronak — siekta, biełaruskaja prapahanda strašniejšaja za rasijskuju

«Ja nikoli nie ličyła, što zajmajusia prapahandaj». Eks-žurnalistka ANT Kaziej kaža, što straciła dzicia paśla ŭciokaŭ ad AMAPa

Kamientary da artykuła