Невядомы абʼект касмічнай прыгажосці бачылі ў небе над Далёкім Усходам. Аказалася, гэта касмічнае смецце ад «Саюза»
25.03.2024 / 15:36
Невядомы лятальны абʼект бачылі ў небе жыхары Хабараўскага краю і Амурскай вобласці. Мясцовыя жыхары паведамілі каналу «Асцярожна, навіны», што спачатку за абʼектам цягнуўся падпалены шлейф, пазней ён распаўся на больш дробныя фрагменты. Аказалася, людзі сталі сведкамі падзення касмічнага смецця.
Як распавёў Уладзімір Майсееў, прадстаўнік клуба «Астраномія ў Хабараўску», касмічнае смецце пакінула арбіту пасля запуску «Саюза», і яго частка ўвайшла ў слаі атмасферы.
«Гэта не камета, гэта смецце. Частка касмічнага абʼекта», — сказаў ён.
Паводле Майсеева, усе падобныя траекторыі пралічваюцца загадзя. «Калі абломкі падаюць, то па-за населенымі пунктамі. Гэта значыць рызыка таго, што на галовы нешта ўпадзе, мінімальная», — дадаў ён.
Чытайце таксама:
«Беларуская эміграцыя дасягнула касмічных маштабаў». Найлепшыя твіты тыдня
Беларуская касманаўтка цяпер будзе ляцець да арбітальнай станцыі замест трох гадзін двое сутак