Грамадства

«Гэта было фіяска беларускай дыпламатыі» — Латушка пра адстаўку Алейніка

Кіраўнік Народнага антыкрызіснага ўпраўлення, экс-міністр культуры Павел Латушка ў сваім тэлеграм-канале пракаментаваў адстаўку міністра замежных спраў Сяргея Алейніка.

Сяргей Алейнік. Фота: МЗС Беларусі

«Больш слабага і бязвольнага міністра замежных справаў не ведала гісторыя сучаснай беларускай дыпламатыі. У Алейніка самы кароткі тэрмін знаходжання на пасадзе кіраўніка знешнепалітычнага ведамства — 1,5 года», — напісаў Латушка, назваўшы Алейніка міністрам-фіяска.

Сяргей Алейнік быў адпраўлены ў адстаўку сёння, міністрам замежных спраў стаў былы першы намеснік Адміністрацыі Максім Рыжанкоў.

Алейнік працаваў на пасадзе міністра са снежня 2022 года пасля смерці Уладзіміра Макея.

Каментары да артыкула