Śviet

«Zrabiŭ duraść»: Bajden pryznaŭsia, što ledź nie zasnuŭ na debatach z Trampam

Pavodle jaho słoŭ, heta adbyłosia z-za źmieny časavych pajasoŭ napiaredadni debataŭ, paśla jakich prezidenta ZŠA zaklikali źniacca z prezidenckaj honki.

Fota: Gerald Herbert / AP

Prezident ZŠA Džo Bajden pryznaŭsia, što amal zasnuŭ padčas niadaŭnich debataŭ z Donaldam Trampam. Pra heta prezident zajaviŭ padčas vystupu na mierapryjemstvie ŭ Maklinie, štat Virdžynija, paviedamlaje Reuters.

Jak rastłumačyŭ prezident, jaho vystupleńnie padčas prezidenckich debataŭ było nie lepšym nibyta z-za źmieny časavych pajasoŭ paśla dźviuch zamiežnych pajezdak u pačatku červienia.

«Ja pravioŭ nie samy lepšy viečar, ale ja zrabiŭ duraść. Ja ździejśniŭ niekalki padarožžaŭ pa śviecie, prajšoŭšy kala 100 časavych pajasoŭ da debataŭ. Nie pasłuchaŭ svajoj kamandy, i kali viarnuŭsia, to ledź nie zasnuŭ na scenie. Heta nie apraŭdańnie, heta tłumačeńnie», — skazaŭ jon.

Kamientary da artykuła