У Кобрыне больш не будзе вуліцы Каліноўскага
13.07.2024 / 11:19
Мясцовыя дэпутаты пастанавілі перайменаваць вуліцу Каліноўскага ў вуліцу Пятра Машэрава.
Кобрынскі раённы савет дэпутатаў вырашыў перайменаваць вуліцу Каліноўскага. Адпаведная пастанова апублікаваная на Нацыянальным прававым інтэрнэт-партале, заўважыў Белсат.
Мясцовыя дэпутаты пастанавілі перайменаваць вуліцу Каліноўскага ў вуліцу Пятра Машэрава.
Адметнасць сітуацыі ў тым, што ў Кобрыне ўжо была вуліца Пятра Машэрава. Таму ўладам адначасова давялося змяніць і яе назву — цяпер гэта будзе вуліца Яловая.
Пастанова Кобрынскага раённага савета дэпутатаў была прынятая 26 чэрвеня.