Hramadstva

Źjavilisia FOTA padazravanaha ŭ napadzie na vilenskuju biełaruskuju kramu Kropka

Fota złamyśnika, źniataje na kamieru videanazirańnia 28 lipienia paśla 3-j hadziny nočy, apublikavana, u pryvatnaści, na fejsbuk-staroncy Reidas.lt.

Tych, chto apaznaje asobu na zdymku, zaklikajuć źviazacca sa staršaj śledčaj Volhaj Łukjanavaj praz telefon 8 60712497 ci e-mail lukjanova@policija.lt

Pra najaŭnaść u palicyi videa, na jakim vyjaŭleny złamyśnik padčas ździajśnieńnia napadu, raniej kazaŭ uładalnik kramy Źmicier Furmanaŭ.

Krama Kropka znachodzicca ŭ centry Vilni na vulicy Savičaŭ (Savičiaus g. 6) pamiž Ratušnaj płoščaj i korpusam EHU. Pracuje z 11:00 da 20:00 štodnia.

U noč na niadzielu nieviadomyja napali na kramu. Tam raźbili akno, a na ścianie napisali pa-litoŭsku «Viartajciesia dadomu, biełaruskija śvińni».

Kamientary da artykuła