Мэр Масквы паведаміў пра атаку беспілотнікаў: закрытыя тры аэрапорты
10.09.2024 / 7:25
У ноч на 10 верасня ў Расіі збілі 14 беспілотнікаў, якія ляцелі на Маскву, паведаміў мэр Сяргей Сабянін.
Ілюстрацыйнае фота Efrem Lukatsky / AP
Беспілотнікі збілі ў гарадскіх акругах Падольск, Раменскае, Люберцы, Дамадзедава і Каломна.
Сабянін таксама сказаў, што на месцы падзення абломкаў, паводле папярэдніх звестак, разбурэнняў і пацярпелых няма.
Паводле яго слоў, усе беспілотнікі ляцелі на Маскву.
Расійскія СМІ паведамілі, што аэрапорты «Шарамеццева», «Дамадзедава» і «Унукава» закрытыя.