Hramadstva

U Rasii zakryvajuć biznes repiera Siarohi

Firma «ŁBVMS» Siarhieja Parchomienki (sapraŭdnaje imia artysta) isnavała z 2017 hoda i zajmałasia vyrabam i prodažam hatovych naboraŭ ježy, piša Shot.

Za siem hadoŭ pracy hetuju firmu trojčy sprabavali likvidavać praź niapravilny adras, paznačany pry rehistracyi jurydyčnaj asoby. U 2020-m firmu vyklučyli z rejestra małoha i siaredniaha pradprymalnictva.

Akramia prablem z adrasam u kampanii nazapasilisia vialikija zapazyčanaści pa abaviazkovych piensijnych uznosach, z-za čaho na Siarohu navat padaŭ u sud Sacyjalny fond Rasii, jaki vyjhraŭ u jaho ažno 500 rasijskich rubloŭ. Ciapier ža firmu całkam likvidujuć.

@nashaniva U repiera Siarohi prablemy ŭ Rasii #biełaruś #čiernyjbumier #sierioha #našaniva #biełaruskajamova #biełaruskityktok #biźnies ♬ Solitude - ￥ves

Śpiavak Siaroha rodam z Homiela staŭ viadomy nie tolki ŭ Biełarusi, ale i na ŭsioj postsavieckaj prastory ŭ pačatku nulavych. Jon vykonvaŭ takija tahačasnyja chity, jak «Čorny bumier», «Kala doma tvajho», «King Ring». U 2010-ja atrymaŭ dazvoł na žycharstva va Ukrainie, dzie doŭha žyŭ i pracavaŭ. Ale paśla pačatku pratestaŭ u Biełarusi staŭ na bok režymu Łukašenki, časta adznačaŭsia prałukašenkaŭskimi vykazvańniami i braŭ udzieł u praŭładnych mierapryjemstvach.

Ciapier Siaroha žyvie ŭ Biełarusi, ale časta zajazdžaje ŭ Rasiju.

Kamientary da artykuła