Hramadstva

Prapahandysty zajavili pra razhrom sietki salidarnaści i aryšt jaje ŭdzielnikaŭ

U efiry ANT paviedamili, što siłaviki paličyli Dźmitryja Kavalova, Siarhieja Kardaša i Alaksieja Kubrakova «kurjerami fonda Bajsoł» i adpravili ŭ SIZA.

Śćviardžajecca, što hetyja ludzi pieradavali hrošy siemjam palitviaźniaŭ.

Akramia taho, u efiry prahramy prapahandysta Ihara Tura «Budiet dopołnieno» pakazali žančyn ź imionami Luboŭ Drahiel i Alena Piskur. Pieršaja nibyta była kurjerkaj fonda «Bajchełp», a druhaja — inicyjatyvy dissidentBY.

Luboŭ Drahiel raskazała, što ByHelp vioŭ bazu danych u arhanajziery Jira, u jakuju ŭnosilisia danyja «aplikantaŭ», a kurjery nabirali sabie zakazy. Hetuju bazu nibyta zachapili siłaviki, i jaje frahmient z usimi atrymalnikami pakazali ŭ siužecie.

U jakim statusie znachodziacca Luboŭ Drahiel i Alena Piskur, nieviadoma. 

Kamientary da artykuła