У Варонежскай вобласці разбіўся расійскі вайсковы верталёт
5.01.2025 / 9:42
Як стала вядома тэлеграм-каналу Astra, 1 студзеня вайсковы верталёт Мі-28 упаў і загарэўся ў Варонежскай вобласці. Гэта адбылося каля 6-й гадзіны вечара ў полі ў Каменскім раёне.
На борце былі два члены экіпажа — яны загінулі, расказалі крыніцы Astra ў экстранных службах рэгіёну.
Верталёт пацярпеў крушэнне за 250 км ад лініі фронту. Што стала прычынай аварыі, невядома.