Zdareńni

U Hrodzienskaj vobłaści zaŭvažyli pieralotnych ptušak

Na niezvyčajnuju dla studzienia źjavu źviarnuŭ uvahu čytač Newgrodno.by. Jon źniaŭ u niebie klin pieralotnych ptušak. Chutčej za ŭsio, heta byli dzikija husi.

Newgrodno.by

Ptušak zaŭvažyli nad vioskaj Radzievičy Mastoŭskaha rajona prykładna za 40 km ad Hrodna.

Zvyčajna, darečy, hetyja pieralotnyja ptuški źjaŭlajucca ŭ niebie nad Biełaruśsiu ŭ sakaviku. Adnak źmiena klimatu mahła paŭpłyvać i na pavodziny kryłatych. Darečy, niekalki hadoŭ tamu biełałobych husiej zaŭvažali ŭ studzieni nad Brestam.

Newgrodno.by

Jak adznačali tady śpiecyjalisty, hetyja ptuški zimujuć u rajonie Bałtyjskaha mora, a na miescy hniezdavańnia ŭ tundru laciać mienavita nad našaj krainaj.

Źbiracca ŭ šlach ich mahła prymusić bolš ciopłaja, čym zvyčajna, zima, choć, mahčyma, naadvarot, husi ŭ čakańni marazoŭ pierabirajucca ŭ bolš kamfortnyja miescy.

Kamientary da artykuła