Nieruchomaść

Samuju darahuju kvateru ŭ Minsku ŭ śniežni pradali za 450 tysiač dalaraŭ

Heta piacipakajovyja apartamienty.

Fota: Wikidom

Samaja darahaja kvatera, jakuju pradali ŭ śniežni ŭ Minsku, abyšłasia pakupniku ŭ $450 tys. Pra heta paviedamlaje partał wikidom. Havorka idzie pra piacipakajovyja apartamienty ŭ domie «Pory hoda» na vulicy Kisialova. Heta byŭ taksama i samy vialiki abjekt z płoščaj kala 220 kvadratnych mietraŭ.

Hety dom raniej ličyŭsia daŭhabudam. Budaŭnictva doma «Pory hoda» pačałosia jašče ŭ 2004 hodzie, ale praź niekalki hadoŭ budoŭla była zamarožana. Tolki praz 13 hadoŭ dom uviali ŭ ekspłuatacyju pry dapamozie horada. Samaja darahaja kvatera tut była i ŭ vieraśni, jana kaštavała $380 tys.

U listapadzie samuju darahuju kvateru nabyli ŭ centry horada ŭ žyłym kompleksie «La Trajeckaha» za $440 tys.

U toj ža čas samy darahi kvadratny mietr u śniežni kaštavaŭ $4135. Jon byŭ u ździełcy z trochpakajovaj kvateraj płoščaj kala 90 kvadratnych mietraŭ u domie ŭ kvartale DEPO.

Kamientary da artykuła