Kamunikat anansavaŭ vychad čatyroch knižnych navinak
27.01.2025 / 14:54
U 2025 hodzie Biełaruskaja internet biblijateka Kamunikat.org, što adznačaje 25-hadovy jubilej, anansuje niekalki navinak, što pabačać śviet u najbližejšy čas: Niaklajeŭ, Fiedarenka, Karpovič i Kavaloŭ, piša bellit.info.
Padrychtavana druhoje vydańnie ramana Uładzimira Niaklajeva «Hej Ben Hinon», što apaviadaje pra Biełaruś i biełarusaŭ, pra Janku Kupału, jahony los i tajamnicu jahonaj hibieli ŭ hateli «Maskva».
Aprača hetaha, pajšoŭ u druk novy raman Andreja Fiedarenki «Scenaryst», u jakim aŭtar praciahvaje temu analizu pryrody tvorčaści, pačatuju ŭ papiaredniaj jahonaj knizie «Žeton na mietro». Heta sapraŭdny detektyŭ i adnačasova drama ź niepradkazalnym finałam.
U pačatku lutaha maje vyjści taksama kniha Lavona Karpoviča «Apaviadańni paštovych marak pra Vialikaje Kniastva». Heta budzie niezvyčajnaje padarožža ŭ historyju našaj krainy.
Taksama rychtujecca da druku zbornik pjesaŭ znanaha biełaruskaha dramaturha Siarhieja Kavalova «Kamiedyja Judzifi». U knihu ŭvojduć novyja pjesy Siarhieja Kavalova, napisanyja ŭ roznych žanrach: histaryčnaja drama, fiłasofskaja kamiedyja, mistyčny detektyŭ, haradskoje fentezi, kazka-prypavieść.
Paśla vychadu knihi možna budzie nabyć praź internet-kramu Kamunikat.shop