Paŭnočnakarejskich sałdat advodziać ad linii frontu ŭ Kurskaj vobłaści
28.01.2025 / 10:37
Pavodle infarmacyi ŭkrainskich vajskoŭcaŭ, u adnym z vypadkaŭ paŭnočnakarejcy vypadkova atakavali rasijskija pazicyi.
Fota: Russian Defense Ministry Press Service photo via AP, File
Paŭnočnakarejskija vajskoŭcy adyšli ź linii frontu ŭ Kurskaj vobłaści, paviedamiŭ Sky News sa spasyłkaj na ŭkrainskaha kamandzira z pazyŭnym Puls.
Zhodna sa słovami kamandzira, adychod vajskoŭcaŭ KNDR byŭ zafiksavany kala dvuch tydniaŭ tamu. Zaraz u bajach udzielničajuć tolki rasijskija vojski.
Pierachoplenyja razmovy rasijskich vajskoŭcaŭ śviedčać ab tym, što paŭnočnakarejcy viernucca na front paśla analizu pamyłak, lačeńnia abo atrymańnia padmacavańnia.
Pavodle infarmacyi ŭkrainskich vajskoŭcaŭ, u adnym z vypadkaŭ paŭnočnakarejcy vypadkova atakavali rasijskija pazicyi.
Ukrainskija vajskoŭcy adznačajuć, što paŭnočnakarejskija sałdaty dobra padrychtavanyja i vytrymanyja, ale słaba adaptavanyja da sučasnaj vajny z vykarystańniem bieśpiłotnikaŭ. Abstalavańnie lepšaje, čym u rasijskich vojskaŭ, ale minimalnaja kolkaść zapasaŭ dla vyžyvańnia padkreślivaje raźlik na chutkaje zachoplivańnie pazicyj praciŭnika.