Śviet

Hihancki asietr napaŭ na rasijskuju sinchranistku ŭ Kitai padčas vodnaha šou VIDEA

Rasijskaja płyŭčycha-sinchranistka Maryja Zialenina sutyknułasia z sapraŭdnym kašmaram padčas vystupu na šou ŭ Kitai. Vielizarny asietr, prapłyvajučy pobač, schapiŭ jaje za hałavu, naniosšy traŭmy, piša «Sport-ekspriess».

Skrynšot ź videa

22-hadovaja Maryja rodam z Sarapuła va Udmurtyi uładkavałasia na pracu ŭ Kitai ŭ akijanaryum u pravincyi Juńnań, dzie vykonvaje rolu rusałki ŭ asiarodździ roznych ryb. Ale 28 studzienia dziaŭčyna trapiła ŭ vielmi niepryjemnuju situacyju.

Padčas šou hihancki kitajski asietr raptam napaŭ na Maryju. Rybina schapiła jaje za hałavu, sarvała akulary, padrapała tvar i navat prahłynuła nasavyja zažymy. Usio vyhladała tak, byccam iduć zdymki filma žachaŭ.

Maryja na imhnieńnie straciła aryjentacyju ŭ vadzie i tolki dziakujučy vopytu zdoleła sprytna vybracca z akvaryuma.

Paśla napadu Zialenina niekatory čas znachodziłasia ŭ šokavym stanie. Lekary zafiksavali ŭ jaje paškodžańni šyi i vačej. Kiraŭnictva akijanaryuma vypłaciła dziaŭčynie kampiensacyju ŭ pamiery 700 juaniaŭ (kala 100 dalaraŭ), a taksama prybrała ŭsich ryb z akvaryuma.

Kitajskija pracadaŭcy pasprabavali zamiać historyju, zabaraniŭšy Maryi raskazvać pra incydent. Ale infarmacyja chutka raspaŭsiudziłasia pa sacsietkach. 

Napad vielizarnaj ryby — nie častaja, ale i nie adzinkavaja źjava. U Kitai ŭžo byli vypadki padobnych pavodzin akvaryŭmnych nasielnikaŭ, asabliva ŭ stresavych situacyjach.

Pryčyn tamu moža być niekalki. Pieršaja — abjekt, jaki ruchajecca, vyklikaŭ u asiatra razdražnieńnie, u vyniku čaho jon prajaviŭ ahresiju. Pry hetym surjoznych paškodžańniaŭ takaja rybina nanieści nie moža, pakolki ŭ jaje niama zuboŭ. 

Akramia taho, napad ryby moža być źviazany z hoładam albo ŭ jaje mohuć być harmanalnyja źmieny z-za ŭpłyvu umoŭ nadvorja.

Kamientary da artykuła