Жыхарка Мінскага раёна павялічыла вусны 70 кліенткам. Аказалася, у яе не было ліцэнзіі
3.02.2025 / 16:25
Жанчына зарабіла больш за 73 тысячы рублёў, а цяпер ёй зацікавіліся сілавікі.
Жыхарка Мінскага раёна павялічвала кліенткам вусны і калола батулатаксін для пазбаўлення ад маршчын. Аднак, як высветлілася, у яе не было ліцэнзіі.
Жанчына купляла прэпараты за наяўныя праз месенджары, пры гэтым дакументаў, якія пацвярджаюць якасць прэпаратаў, у яе не было. Касметолаг без ліцэнзіі павялічвала вусны выкарыстаннем гіалуронавай кіслаты, а таксама займалася батулінатэрапіяй, піша БелТА.
Усяго яе кліенткамі сталі як мінімум 70 чалавек. Жанчына зарабіла больш за 73 тысячы рублёў. Аднак неўзабаве ёй зацікавіліся ў Дэпартаменце фінансавых расследаванняў Камітэта дзяржкантролю.
На касметолага завялі крымінальную справу аб ажыццяўленні прадпрымальніцкай дзейнасці без ліцэнзіі. Ёй пагражае ад штрафу да двух гадоў турмы.