ZŠA na miesiac prypyniać uviadzieńnie mytaŭ na mieksikanskija tavary
3.02.2025 / 19:0
Pra peŭnyja palohki dla Mieksiki zajaviła prezidentka hetaj krainy Kłaŭdyja Šejnbaŭm paśla razmovy z prezidentam ZŠA Donaldam Trampam.
Kłaŭdzija Šejnbaŭm. Fota: AP Photo/Fernando Llano
«U nas adbyłasia dobraja razmova z prezidentam Trampam, padčas jakoj my prajavili vialikuju pavahu da našych adnosin i suvierenitetu»,— napisała Kłaŭdyja Šejnbaŭm u sacsietcy X.
Pavodle słoŭ mieksikanskaj prezidentki, padčas hetaj telefonnaj razmovy baki dasiahnuli šerah pahadnieńniaŭ.
U pryvatnaści, Mieksika nakiruje na paŭnočnuju miažu 10 tysiač vajskoŭcaŭ, kab praduchilić kantrabandu narkotykaŭ u ZŠA. Vašynhton, u svaju čarhu, abaviazaŭsia pracavać nad spynieńniem niezakonnych pastavak zbroi ŭ Mieksiku.
Donald Tramp u svajoj sacsietcy Truth Social taksama paćvierdziŭ prypynieńnie ŭviadzieńnia impartnych pošlin u dačynieńni da Mieksiki na miesiac dla praviadzieńnia pieramovaŭ.
Raniej 31 studzienia źjaviłasia infarmacyja, što administracyja Trampa pryniała rašeńnie ŭvieści vysokija myty suprać svaich dvuch najbližejšych susiedziaŭ na poŭnačy i poŭdni, a taksama Kitaja. Taryfy mieli skłaści 25% dla Mieksiki i Kanady, 10% dla Kitaja.