Kitaj adkazaŭ svaimi pošlinami na handlovyja miery ZŠA
4.02.2025 / 8:46
Kitaj uvioŭ 10-pracentnuju pošlinu na impart nafty i sielskahaspadarčaj techniki i 15-pracentnuju pošlinu na vuhal i zvadkavany pryrodny haz, jakija impartujucca z ZŠA.
Akramia taho, u Kitai raspačata rasśledavańnie adnosna Google na pradmiet mahčymych parušeńniaŭ antymanapolnaha zakanadaŭstva, piša Bloomberg.
Administracyja Trampa płanavała ŭvieści taryfy na tavary z Kanady, Kitaja i Mieksiki z 4 lutaha. Mieksika damoviłasia z Trampam ab adterminoŭcy ŭviadzieńnia pošlin na miesiac. Taksama na miesiac ZŠA adkłali ŭviadzieńnie taryfaŭ na tavary z Kanady.
Ale siońnia ŭstupili ŭ siłu taryfy ZŠA ŭ pamiery 10% na tavary z Kitaja.