Швед назваў, колькі палітвязняў атрымалі ад яго камісіі адмовы ў памілаванні
5.02.2025 / 7:50
Статыстыка выклікае сумневы, але іншых звестак няма.
Генпракурор расказаў, што па даручэнні Лукашэнкі, разгледзелі заявы асоб, якія былі асуджаныя за «злачынствы экстрэмісцкага характару, звязаныя з падзеямі 2020 года», піша БелТА.
«Да нас паступіла 230 такіх заяў. Па 202 мы далі станоўчае заключэнне і па 28 палічылі, што асобы, якія звярнуліся, не могуць быць амніставаныя. Лукашэнка з намі пагадзіўся, і, адпаведна, акты памілавання былі падпісаныя кіраўніком дзяржавы і гэтыя людзі выйшлі на волю», — сказаў Андрэй Швед.
Нагадаем, што з ліпеня адбылося некалькі памілаванняў палітвязняў. Апошні раз Лукашэнка падпісаў указ 24 студзеня, калі на свабоду выйшлі восем чалавек.