Švied nazvaŭ, kolki palitviaźniaŭ atrymali ad jaho kamisii admovy ŭ pamiłavańni
5.02.2025 / 7:50
Statystyka vyklikaje sumnievy, ale inšych źviestak niama.
Hienprakuror raskazaŭ, što pa daručeńni Łukašenki, razhledzieli zajavy asob, jakija byli asudžanyja za «złačynstvy ekstremisckaha charaktaru, źviazanyja z padziejami 2020 hoda», piša BiełTA.
«Da nas pastupiła 230 takich zajaŭ. Pa 202 my dali stanoŭčaje zaklučeńnie i pa 28 paličyli, što asoby, jakija źviarnulisia, nie mohuć być amnistavanyja. Łukašenka z nami pahadziŭsia, i, adpaviedna, akty pamiłavańnia byli padpisanyja kiraŭnikom dziaržavy i hetyja ludzi vyjšli na volu», — skazaŭ Andrej Švied.
Nahadajem, što ź lipienia adbyłosia niekalki pamiłavańniaŭ palitviaźniaŭ. Apošni raz Łukašenka padpisaŭ ukaz 24 studzienia, kali na svabodu vyjšli vosiem čałaviek.