U mižharodnich maršrutkach Hrodzienskaj vobłaści možna budzie raspłacicca kartaj
5.02.2025 / 14:16
Płaciožnyja terminały zapracavali adrazu na troch napramkach mižharodnich maršrutak, piša Mižrehijanalnaja asacyjacyja pieravozčykaŭ.
Na maršrutkach «Hrodna-Minsk», «Hrodna-Śvisłač», «Hrodna-Navahrudak» ciapier možna apłacić kvitok u kiroŭcy vykarystoŭvajučy bankaŭskuju kartu. Dla hetaha ŭstalavali śpiecyjalnyja płaciožnyja terminały.
Paviedamlajecca, što ŭ haradskich maršrutkach takija terminały pavinny źjavicca z 1 listapada 2025 hoda, ale dla mižharodnaha transpartu abaviazkovaha praviła niama.
«Zapyt ad pasažyraŭ na takuju pasłuhu byŭ. I Hrodna, i Navahrudak — papularnyja turystyčnyja kirunki. I časta mienavita turysty pytajuć, ci možna apłacić kartaj. Pajšli nasustrač i im, i inšym našym pasažyram», — raskazali kiroŭcy.
Novyja terminały taksama zmohuć prymać apłatu i najaŭnymi, udakładnili ŭ Mižrehijanalnaj asacyjacyi pieravozčykaŭ.
Pieršyja płaciožnyja terminały pačali pracavać na maršrutkach «Minsk-Słuck», jakija absłuhoŭvała kampanija «Linii daroh».
Čytajcie taksama:
Maršrutki abaviažuć abzavieścisia płaciožnymi terminałami
Niekatoryja maršrutki ŭ Biełarusi zamieniać kitajskimi aŭtobusami
Na miažy ź Biełaruśsiu litoŭskija pamiežniki zaviarnuli rekordnuju kolkaść nielehalnych mihrantaŭ
U Kramli nazvali pustymi słovami zajavu Zialenskaha ab hatoŭnaści da pieramoŭ z Pucinym