Cichanoŭskaja: «Apošni raz ja čuła hołas muža čatyry hady tamu». Siarhiej Cichanoŭski znachodzicca ŭ režymie inkamunikada 700 dzion
6.02.2025 / 10:5
Śviatłana Cichanoŭskaja vykazałasia pra 700 dzion utrymańnia muža ŭ režymie inkamunikada.
Paśla čutak pra jaho śmierć prapahandysty pakazali videa ź Siarhiejem Cichanoŭskim 5 lipienia 2023 hoda
«Apošni raz ja čuła hołas muža bolš za čatyry hady tamu. U mianie było ŭsiaho piać chvilinaŭ, kab padtrymać jaho, raskazać pra dziaciej, spytać pra zdaroŭje.
Tady ja jašče nie viedała, što nam bolš nie dazvolać pahavaryć. Časta ŭspaminaju tuju razmovu i dumaju, što jašče mahła b skazać…», — paviedamlaje Śviatłana Cichanoŭskaja ŭ svaim telehram-kanale.
«Voś užo 700 dzion [amal dva hady, z kanca lutaha 2023 hoda — NN] ad Siarhieja niama navinaŭ. Ja nie viedaju, ci atrymlivaje jon vinšavańni z dniom naradžeńnia, ci bačyŭ paštoŭki, namalavanyja dačkoj. Nie viedaju, kali znoŭ zmahu pačuć jahony hołas. Navat adzin dzień bieź viestak ad blizkaha čałavieka — heta ŭžo nahoda dla tryvohi. Razam z Karniejem i Ahnijaj my žyviom u hetaj tryvozie ŭžo niekalki hadoŭ.
Ale ja ŭpeŭnienaja, što jon adčuvaje našuju padtrymku. Što jahonaja ŭnutranaja siła ź im. I navat za hety čas biez suviazi — jon nadaje hetuju siłu i mnie. My nie spynimsia, pakul Siarhiej i ŭsie palitviaźni nie buduć na voli», — napisała nacyjanalnaja lidarka.