Siłaviki zatrymali nie tolki brata palityčnaha emihranta z Homiela, ale i jaho baćku
6.02.2025 / 13:16
Jak stała viadoma «Homielskaj viaśnie», razam z bratam palityčnaha emihranta Mikałaja Stahurskaha zatrymali i ich baćku, Vasila Stahurskaha.
Vasil i Dźmitry Stahurskija. Kałaž: «Homielskaja viasna»
Sudovyja pasiedžańni pa administracyjnych spravach Vasila i Dźmitryja Stahurskich ab raspaŭsiudzie «ekstremisckich materyjałaŭ» pryjšli 5 lutaha ŭ sudzie Homielskaha rajona. Ich vyniki nieviadomy.
Pa słovach palityčnaha emihranta Mikałaja Stahurskaha, jaho brata Dźmitryja zatrymali za padpiski na «ekstremisckija kanały». Pra heta stała viadoma 4 lutaha.
25 studzienia Azaronak apublikavaŭ u svaim telehram-kanale post supołki «Ich ždiet sud» z pahrozaj u bok Mikałaja Stahurskaha.
Jak udakładniŭ Mikałaj «Našaj Nivie», u paście z pahrozaj vykarystali jaho zdymak z akcyi ŭ Izraili, jakaja była pryśviečana vybaram u Biełarusi. Aŭtary kanała «Ich ždiet sud» napisali, što bačać u dziejańniach emihranta «čatyry kryminalnyja artykuły».
U 2023 hodzie Mikałaj Stahurski raskazaŭ pra svajo zatrymańnie, viarboŭku KDB i zdymki ŭ filmie dla BT.