Biełarus atrymaŭ pieravod z-za miažy na «niaŭdałuju» sumu. Addaŭ bolš kamisii, čym atrymaŭ na ruki
6.02.2025 / 14:51
Maksim dniami atrymaŭ mižnarodny pieravod za rekłamu na YouTube. Adnak za jaho treba było zapłacić kamisiju, jakoj jon zusim nie čakaŭ, piša Onliner.by.
Suma pieravodu skłała $79,63, kamisija — 200 rubloŭ (siońnia — 59 dalaraŭ). Vynikaje, što dla zaličeńnia zastałosia 20 dalaraŭ.
— Heta apošni płaciož z boku YouTube, maja mama viadzie tam kanał pra archidei. Banki dla vyvadu hrošaj zaŭsiody byli roznyja: adzin pierastaje prymać pieravody z-za miažy — afarmlaješsia ŭ inšym, — raspavioŭ Maksim.
Hetym razam pieravod pryjšoŭ na rublovuju kartu «Pryjorbanka», i kamisija niepryjemna ździviła. Dobra, što choć niešta zastałosia ad pieravodu. A jašče treba zapłacić 13% padachodnaha padatku jak fizičnaj asobie.
Adkul takaja vysokaja kamisija?
Sprava ŭ tym, što 27 studzienia ŭ «Pryjorbanku» źmianilisia taryfy na SWIFT-pieravody. Dla pieravodaŭ da $60 kamisija zastałasia 3%.
Dla sum ad $60 kamisija taksama 3%, ale minimum 200 rubloŭ (raniej było 15 rubloŭ).
Z ulikam taho, što suma pieravodu tolki krychu pieravysiła $60, značnaja jaho častka pajšła na kamisiju.
Jak adznačyli ŭ «Pryjorbanku», taryfnaja palityka farmirujecca «z ulikam biahučaj ekanamičnaj situacyi».