Лукашэнка даў прытулак суддзі Шміту, які ўцёк з Польшчы
22.11.2024 / 18:7
Такі ўказ Лукашэнка падпісаў сёння.
Польскі суддзя Томаш Шміт. Фота: БелТА
Польскаму суддзі Томашу Шміту, які ўцёк, у Беларусі прадастаўлены прытулак.
Такі ўказ падпісаў Аляксандр Лукашэнка. ДзяржСМІ тлумачаць, што прытулак Шміту далі таму, што ў Польшчы ён нібыта пераследуецца па палітычных матывах.
Томаш Шміт, які працаваў суддзёй Адміністрацыйнага ваяводскага суда ў Варшаве, збег у Беларусь у траўні 2024 года. Тады ён жа папрасіў аб прытулку.
У Беларусі Шміт актыўна раздаваў інтэрв'ю прапагандыстам, а пасля ён уладкаваўся на працу ў БелТА.
У Польшчы Шміта падазраюць у шпіянажы на карысць Беларусі і Расіі. Паводле звестак польскіх сілавікоў, у суддзі былі працяглыя кантакты са спецслужбамі дзвюх краін. Суддзі пагражае пажыццёвае зняволенне.