Na trasie ŭ Raŭbičach zaŭvažyli muža Darji Domračavaj VIDEA
5.02.2025 / 19:14
U Raŭbičach pad Minskam z 15 pa 23 lutaha projdzie Kubak najmacniejšych pa bijatłonie, u jakim buduć spaborničać tolki biełaruskija i rasijskija spartsmieny. Miž tym užo ciapier na łyžni zaŭvažyli słavutaha narviežskaha bijatłanista, muža Darji Domračavaj Ule-Ejnara Bjorndalena.
Skrynšot ź videa
U kancy studzienia Bjorndalenu spoŭniłasia 50 hadoŭ, ale vyhladaje jon vydatna, adno što tolki staŭ nasić akulary.
Pryjechaŭ zorny narviežac u Biełaruś adzin, ci ŭ Raŭbičach treba čakać i Darju Domračavu — pakul nieviadoma.
U sacsietkach, darečy, apošni raz Domračava źjaŭlałasia ažno try tydni tamu.
Z 2019 pa 2022 hod Ule-Ejnar Bjorndalen z Domračavaj treniravali nacyjanalnuju zbornuju Kitaja, ale pośpiechaŭ nie dasiahnuli. Vosieńniu minułaha hoda Bjorndalen raskazaŭ, što atrymaŭ niekalki prapanoŭ viarnucca da trenierskaj pracy, ale pakul admaŭlajecca, kab być bolš ź siamjoj. U ich z Darjaj Domračavaj dvoje dziaciej. Siamja žyvie ŭ Manaka, ale naradžać druhuju dačku letam 2023 hoda Domračava pryjazdžała ŭ Minsk.