«Mahčyma, Domračava mnohaje atrymała ad padtrymki Łukašenki». Rafael Puare vykazaŭ zdahadku, čamu maŭčyć słavutaja biełaruskaja bijatłanistka
Vydańnie «Lusterka» ŭziało intervju ŭ vaśmirazovaha čempijona śvietu, čatyrochrazovaha pieramožcy ahulnaha zaliku Kubka śvietu francuza Rafaela Puare, u jakim siarod inšaha zakranuła pytańnie, čamu Darja Domračava i jaje muž narviežac Ole-Ejnar Bjorndalen nie asudzili vajny va Ukrainie.
— Łukašenka znachodzicca va ŭładzie ŭ Biełarusi amal 30 hadoŭ…
— Mahčyma, niekatorym ludziam heta padabajecca. Ale, viadoma, u demakratyčnaj krainie narod vybiraje prezidenta. Chto viedaje, kamu b addali pieravahu biełarusy, kali b byli svabodnyja vybary. Vieru, što adnojčy adbuducca pazityŭnyja źmieny i ŭ Biełarusi budzie demakratyja. Składana siońnia ŭjavić takuju situacyju, jak u vas, u inšaj jeŭrapiejskaj krainie.
— Vy majecie znosiny z Bjorndalenam?
— Zredku. Apošni raz, napeŭna, hutaryli pa telefonie niekalki miesiacaŭ tamu.
— Razumiejecie, čamu jon i Domračava nie asudzili vajny?
— Dumaju, dla ich heta składanaja situacyja. Domračava była vielmi papularnaja ŭ Biełarusi, Łukašenka jaje padtrymlivaŭ. Mahčyma, jana šmat čaho atrymała ad hetaj padtrymki. U Domračavaj i Bjorndalena jość dzieci, niejki čas siamja žyvie ŭ Biełarusi, tak što, napeŭna, im ciažka havaryć pra vajnu. Razumieju heta. Ale kali ničoha nie kažaš, heta taksama niešta značyć.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary