27 (28). Siamion Šapira
Staršynia Minskaha abłvykankama.
«Ja pryznačaŭ Šapiru. Jon mnie kaža: dy vy što, Alaksandar Ryhoravič! Ja jamu: a ty što maješ na ŭvazie? Jon: ja jaŭrej, vas ža buduć krytykavać. Ja kažu: dy jakaja roźnica, chto ty», — raskazvaŭ Alaksandr Łukašenka.
Pretenzij da Šapiry ŭ kiraŭnika krainy niamnoha. Kali toj i źmienić pasadu, to tolki kab pajści na pavyšeńnie. Jahonyja 54 hady ŭsprymajucca namienkłaturaj jak čas poźniaj maładości.
Šapira moža ŭźniacca až da premjera. Ale naŭrad ci vyšej — piatuju hrafu maje na ŭvazie i sam čynoŭnik.
A kaliści Šapira ŭvachodziŭ u Abjadnanuju hramadzianskuju partyju i ličyŭsia prychilnikam rynkavaj ekanomiki. Časy źmianiajucca, i ciapier jahonaje imia asacyirujecca z pahromam historykaŭ Hrodzienskaha dziaržaŭnaha ŭniviersiteta.
Abjektyŭka
Nar. u 1961 ŭ vioscy Rečań na Lubanščynie. Zakončyŭ Biełaruski dziaržaŭny instytut narodnaj haspadarki. Pracavaŭ u kałhasach Dziaržynskaha rajona, paśla ŭ struktury Ministerstva sielskaj haspadarki (1999—2004). Hienieralny dyrektar ahrakambinata «Dziaržynski» (2004—2008), ministr sielskaj haspadarki (2008—2010), staršynia Hrodzienskaha abłvykankama (2010—2013), staršynia Minskaha abłvykankama (z 2013). Žanaty, maje dačku.
* * *
Čytajcie taksama:
Historyja žyćcia Siamiona Šapiry: žorstki jak Łukašenka
* * *
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku25
Kamientary