Dekanam žurfaka BDU pastavili palitołaha, jaki śpiecyjalizujecca na antyzachodniaj prapahandzie
Alaksiej Bialajeŭ byŭ hościem pieradačy Markava i efiru STB.
Ab pryznačeńni novaha dekana paviedamiła Ministerstva infarmacyi.
Alaksiej Bialajeŭ u 1996-m z adznakaj skončyŭ fiłałahičny fakultet Viciebskaha dziaržaŭnaha ŭniviersiteta pa śpiecyjalnaści «Ruskaja mova, litaratura i historyja».
U 2002 hodzie advučyŭsia ŭ aśpirantury histaryčnaha fakulteta Biełaruskaha dziaržaŭnaha ŭniviersiteta.
Bialajeŭ źjaŭlajecca kandydatam histaryčnych navuk i dacentam.
Pačynaŭ svaju karjeru z pracy nastaŭnikam historyi ŭ škole.
Z 1996-ha pa 1997-y słužyŭ u vojsku, paśla byŭ asistentam kafiedry fiłasofii Viciebskaha dziaržaŭnaha ŭniviersiteta imia P. Mašerava.
Z 2002-ha pa 2018-y pracavaŭ u Biełaruskim nacyjanalnym techničnym univiersitecie na pasadzie vykładčyka na kafiedry «Historyja, suśvietnaja i ajčynnaja kultura», paśla byŭ zahadčykam kafiedry palitałohii.
Apošnija hady pracavaŭ na pasadzie dyrektara Instytuta mahistarskaj padrychtoŭki BDEU.
Alaksiej Bialajeŭ źjaŭlajecca aŭtaram haziety administracyi Łukašenki «SB.Biełaruś siehodnia». Piša kałonki pra palityku: «Rabavańnie aktyvaŭ i admova ad pryncypaŭ niedatykalnaści ŭłasnaści: čym jašče zajmajucca jeŭrapiejskija palityki», «Zachodni palityčny kłas zdrabnieŭ», «Žudasnaja realnaść Zachadu: hieraizacyja nacyzmu i zabyćcio podźvihu savieckich sałdat-vyzvalicielaŭ».
Bialajeva časta zaprašajuć u jakaści ekśpierta ŭ prapahandysckuju prahramu na STB «Sas upaŭnavažany zajavić». Jon taksama byŭ hościem u Markava na ANT. U pieradačach jon razvažaje pra zmovu Zachadu suprać Biełarusi i Rasii, ekanamičny zaniapad jeŭrapiejskich krain.
Papiaredni dekan žurfaka, Volha Samusievič syšła z pasady ŭ kastryčniku 2022 hoda. U 2020 hodzie i paśla jaho jana prasłaviłasia represijami ŭ dačynieńni da studentaŭ, jakija vychodzili na akcyi pratestaŭ, byli zatrymanyja i adbyvali sutki.
Samusievič prymušała studentaŭ pisać tłumačalnyja, vynosiła dyscyplinarnyja spahnańni, adličvała z fakulteta.
Čytajcie taksama:
Z žurfaka BDU syšła dekan — jana adličvała studentaŭ paśla sutak
Pamiatajecie vykładčycu BDU, jakaja apraŭdvałasia za adpačynak u Jeŭropie? Jana padzialiłasia ŭražańniami: Tam stamilisia ad niepryhožych amierykancaŭ
«Chacieli dać zajaŭku na čałavieka, ale jon nie prajšoŭ ideałahičnuju pravierku». Studenty žurfaka raskazali, kudy ich źbirajucca raźmiarkoŭvać
-
«Jon atrymaŭ polskaje hramadzianstva za 9 miesiacaŭ»: Cimanoŭskaja ŭ šoku ad taho, što jaje były muž viarnuŭsia ŭ Minsk
-
«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia
-
U Viciebsku sudzili miascovaha žurnalista i kulturołaha
Kamientary