«Vy jašče ŭbačycie, jak lidaraŭ demakratyčnaj apazicyi Karpiankova i Azaronka buduć słuchać, raskryŭšy rty»
Žurnalist i były deputat Viarchoŭnaha Savieta Biełarusi 12-ha sklikańnia Siarhiej Navumčyk parazvažaŭ pra lustracyju i karotkuju pamiać hramadstva.
«Kali ja čuju prapanovy pačać adlik lustracyi z 9 žniŭnia 2020 hoda — ja razumieju, što ŭ Biełarusi nie toje što lustracyi nie budzie, ale i za teror pačynajučy z 2020 hoda nichto nijakaj adkaznaści nie paniasie. Bo kožny, chto ciapier słužyć Łukašenku, chto vykarystoŭvaje režym dla svaich dabrotaŭ, paśla svajho pierachodu ŭ apazicyju, asudzić dziejnaść raniejšych praciŭnikaŭ režymu. Albo nazavie jaje «paźniakoŭščynaj». I heta budzie narmalna ŭspryniata, — piša Navumčyk. —
Tema, kaniešnie, šyrejšaja, čym lustracyja. Tolki adzinki nie ličać, što historyja supracivu pačałasia z momantu ich dałučeńnia da supracivu. A meta — najciaplejšaje miesca pad soncam.
Vy jašče ŭbačycie, jak lidary demakratyčnaj apazicyi Karpiankoŭ i Azaronak buduć davać niehatyŭnyja acenki ciapierašnim palitviaźniam — i słuchać ich buduć, raskryŭšy rty.
Nie vierycie? Ja b taksama nie pavieryŭ, paličyŭ by absurdam, kali b 12 krasavika 1995 mnie skazali, što praź niejki čas toj, chto ŭchvaliŭ źbićcio deputataŭ i admyvaŭ Łukašenku, budzie ŭ «lidarach demakratyčnaj apazicyi», a tyja, chto abaraniaŭ demakratyju i Niezaležnaść, akažucca va ŭsim vinavatymi.
Biełaruś — sapraŭdy kraina nievierahodnaja. Litaralna va ŭsim. Adčuvańnie, što Haspodź abraŭ nas dla niejkaha admysłovaha ekśpierymientu, voś tolki sens jaho adhadać pakul nie ŭdajecca. Chiba što — kab pakazać inšym narodam, jak nie treba žyć».
25 hadoŭ tamu prajšli prezidenckija vybary biez Łukašenki. Kandydat Čyhir byŭ u SIZA, Paźniak — za miažoj
Paśla avaryi na ČAES kiraŭnikoŭ BSSR chacieli sudzić, a abaraniaŭ ich Łukašenka
«Paśla kampramisu z kamunistami Paźniak nie zdoleŭ by ŭtrymacca na čale BNF». Navumčyk adkazvaje na artykuł u «NN»
Navumčyk adkazaŭ Chalezinu: Ni ja, ni Paźniak nie atrymlivali ŭ emihracyi ni centa sacyjalnaj dapamohi
Kamientary
Labiedźka-daradca ŭzurpatara
Łatuška- ministar ŭzurpatara
Čały- daradca ŭzurpatara
chto jašče z žyvach?