Biełarusaŭ zaklikajuć pieradavać na dapamohu Kurskaj vobłaści Rasii ŭsio: i trusy sa škarpetkami, i navat muku
A mužčyna z Homielščyny pieradaŭ u jakaści humanitarnaj dapamohi paŭtony miodu.
Biełaruski spartsmien-hiravik Jaŭhien Nazarevič — aktyvist fondu Tałaja, jaki pieryjadyčna jeździć na akupavanyja Rasijaj terytoryi Ukrainy, — raspavioŭ pra niezvyčajnaje achviaravańnie ŭ Homielskaj vobłaści.
U instahramie Jaŭhien napisaŭ, što mužčyna (spartsmien nazyvaje jaho Vasilom Alaksiejevičam) razam z synami pieradaŭ u jakaści humanitarnaj dapamohi ŭ Kurskuju vobłaść Rasii paŭtony miodu i jašče vosk, ź jakoha potym zrobiać akopnyja śviečki.
Jaŭhien apisvaje dabradzieja, dziakujučy tamu za «dušeŭny paryŭ»: «Prosty sapraŭdny ruski (biełarus) mužyk». Spartsmien-aktyvist dadaŭ, što miod razam ź inšaj humanitarnaj dapamohaj ad Połacka ŭžo adpravili pa pryznačeńni.
Fond Tałaja maje ŭ telehramie supołku «Biełaruś z Danbasam» (tam kala 850 padpisčykaŭ), dzie publikujuć infarmacyju pra toje, što ciapier źbirajuć dla dapamohi rasijanam, a taksama pościać spravazdačy.
Miarkujučy pa apošnim dopisie, rasijanie zaraz nie spadziajucca na dapamohu svajho ŭrada, jaki pačaŭ vajnu, bo «Biełavusaŭ čyścić poskudździe ŭ Minabarony RF, Hienštabie i tyłavym zabieśpiačeńni». I voś mienavita praz heta biełarusaŭ zaklikajuć dapamahać Rasii, u jakuju «zajšoŭ NATAŭski bot».
Śpis taho, što prosiać achviaravać, uražvaje: pačynajučy ad aŭtamabilaŭ i zakančvajučy trusami dy škarpetkami. Nieviadomy aŭtar piša, što adzin z kamandujučych druhoj armijaj śvietu (a mienavita tak rasijskija ŚMI nazyvali svajo vojska) skazaŭ jamu: «My taksama z padziakaj voźmiem muku — u miascovych žycharoŭ abmianiajem na chleb».
«Našy klijenty ryzykavali samym kaštoŭnym, kab Ukraina była volnaj». Jak biełaruska stvaryła reabilitacyjny centr dla vajaroŭ pad Kijevam
Połackaja škoła vyrašyła sabrać humanitarku dla Kurska
Ukrainskija ŭłady prapanavali žycharam Kurskaj vobłaści evakujavacca na terytoryju Ukrainy
«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku20
Kamientary