U Ispanii pačali sudzić eks-prezidenta futbolnaj fiederacyi, jaki pacałavaŭ u vusny futbalistku, čym vyklikaŭ hučny skandał
U Madrydzie pačaŭsia sud suprać byłoha prezidenta futbolnaj fiederacyi Ispanii Łuisa Rubialesa. Jamu pahražaje turemnaje źniavoleńnie za pacałunak futbalistki Dženi Ermosa bieź jaje zhody paśla pieramohi ispanskaj zbornaj na čempijanacie śvietu pa futbole ŭ 2023 hodzie.
Padziei na čempijanacie pryviali da maštabnaha palityčnaha skandału i pakłali pačatak ruchu #SeAcabó («Usio skončana») za roŭnyja pravy ŭ suśvietnym žanočym futbole, piša Bi-bi-si.
Ermosa vystupiła suprać byłoha prezidenta Fiederacyi na sudzie ŭ Madrydzie. Pa danych Reuters, padčas pasiadžeńnia jana skazała, što «nikoli» nie zhadžałasia na jaho pacałunak.
«Ja ničoha nie čuła i nie razumieła», — dadała futbalistka. — «Nastupnaje, što jon zrabiŭ, — schapiŭ mianie za vušy i pacałavaŭ u vusny».
Pa słovach Ermosy, «pacałunak u vusny maje padtekst, jaki vychodzić za ramki vietlivaści i družby» i nie moža być zrobleny biez zhody, taksama piša AFP. Dziaŭčyna adznačyła, što takoje nie pavinna adbyvacca ni ŭ jakim stanoviščy.
Łuisa Rubialesa abvinavačvajuć u sieksualizavanym hvałcie, a taksama ŭ akazańni cisku na spartoŭku z metaj prymusić jaje zajavić, što ŭsio adbyvałasia pa «ŭzajemnaj zhodzie». Kryminalnuju spravu suprać jaho pačali rasśledavać u vieraśni 2023 hoda, praź niekalki tydniaŭ paśla incydentu na čempijanacie śvietu.
Bok abvinavačvańnia patrabuje dla Rubialesa dva z pałovaj hady turemnaha źniavoleńnia: adzin hod za sieksualizavany hvałt i jašče paŭtara hoda za akazańnie cisku.
Razam ź im pa spravie prachodziać jašče troje kaleh: Chorchie Vilda, u minułym trenier žanočaj zbornaj Ispanii, Rubien Ryviera, były spartyŭny dyrektar Karaleŭskaj ispanskaj futbolnaj fiederacyi Albiert Łukie i były kiraŭnik jaje markietynhavaha adździeła Rubien Ryviera. Ich abvinavačvajuć u cisku na Dženi Ermosa.
Usie fihuranty admaŭlajuć svaju vinu. Sudovyja pasiedžańni pa spravie pavinny praciahnucca da 19 lutaha. Skandał z udziełam Łuisa Rubialesa adbyŭsia ŭ žniŭni 2023 hoda padčas cyrymonii ŭručeńnia ŭznaharod na čempijanacie śvietu pa žanočym futbole ŭ Sidnei, u Aŭstralii. Paśla pieramohi žanočaj zbornaj Ispanii Rubiales prama na trybunie pacałavaŭ u vusny napadajučuju kamandy Dženi Ermasa.
Pavodle jaho, heta było zroblena ŭ ejfaryi pieramohi i sa zhody futbalistki. Ermosa ŭ svaju čarhu abvinavaciła Rubialesa ŭ seksualnych damahańniach. Dziaŭčyna śćviardžaje, što nie davała zhody na padobnyja dziejańni.
Zajavy Ermosa ŭ pieršyja dni skandału mahli zdacca supiarečlivymi. U svaim Instagram futbalistka publikavała paviedamleńni, što joj nie spadabalisia dziejańni Rubialesa. U hety ž čas ad jaje imia vyjšła zajava, u jakoj śćviardžałasia, što ŭ ich z prezidentam «vydatnyja adnosiny», a pacałunak — heta «naturalny žest prychilnaści i padziaki».
Jak potym stała viadoma, paviedamleńnie, jakoje pieramianšała maštab taho, što adbyvajecca, było apublikavana biez zhody spartsmienki. Kiraŭnica pres-słužby zbornaj Ispanii Patrysija Pieres raspaviała na sudzie, što apublikavała jaho pad ciskam. Pacałunak padčas čempijanatu śvietu pryvioŭ da maštabnaha skandału.
Dziejańni Rubialesa asudzili na toj momant v. a. premjer-ministra Ispanii Pedra Sančes i mnohija palityki, u tym liku z kansiervatyŭnaha kryła, jakich nieadnarazova krytykavali fieministki.
Bolš za 80 futbalistak, uklučajučy Ermosa, admovilisia hulać za zbornuju Ispanii, pakul Rubiales zastajecca na svajoj pasadzie.
Vosieńniu 2023 hoda Łuis Rubiales padaŭ u adstaŭku z pasady prezidenta Fiederacyi futboła Ispanii i vice-prezidenta vykanaŭčaha kamiteta UEFA, praciahvajučy admaŭlać abvinavačvańni. Dyscyplinarny Kamitet Mižnarodnaj fiederacyi futbolnych asacyjacyj (FIFA) pryniaŭ rašeńnie adchilić jaho.
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku25
Kamientary