Спорт

Арына Сабаленка знялася з Уімблдона

Трэцяя ракетка свету знялася з трэцяга ў сезоне турніру «Вялікага шлема» з-за траўмы пляча.

Фота: Thibault Camus / AP

«З разбітым сэрцам вымушана паведаміць вам усім, што не змагу ўзяць удзел на Уімблдоне ў гэтым годзе. Я пераспрабавала ўсё, каб падрыхтавацца, але, на жаль, маё плячо не слухаецца. Сёння на трэніроўцы старалася з усіх сіл. Мая каманда патлумачыла мне, што выступленне толькі пагоршыць сітуацыю. Гэты турнір шмат значыць для мяне», — напісала яна ў сваім інстаграме.

Раней яна таксама знялася падчас матча з Ганнай Калінскай на турніры ў Берліне з-за праблем з плячом.

Сёння беларуская тэнісістка мелася правесці матч першага раўнду супраць амерыканскай тэнісісткі Эміны Бектас (106).

Таксама пісалася, што Сабаленка не будзе ўдзельнічаць у Алімпіядзе ў Парыжы.

Каментары да артыкула