Deputat Varaniecki suprać zabarony bieł-čyrvona-biełaha ściaha: Niedapuščalna taptacca pa svaim minułym
Deputat Pałaty pradstaŭnikoŭ Valeryj Varaniecki prakamientavaŭ prapanovu Hienieralnaj prakuratury nakont ŭklučeńni nacyjanalnaha bieł-čyrvona-biełaha ściaha ŭ śpis «ekstremisckich».
«Takija rečy patrabujuć navukovaj acenki i, pierš za ŭsio, z boku historykaŭ. Heta toj vypadak, kali śpiašacca nam ni ŭ jakim razie nielha.
Treba mieć na ŭvazie, što bieł-čyrvona-bieły ściah źjaŭlaŭsia pieršym dziaržaŭnym ściaham našaj adrodžanaj biełaruskaj dziaržavy. Pad im jana rabiła pieršyja kroki pa ŭmacavańni svajho nacyjanalnaha suvierenitetu i niezaležnaści. Pad im prymaŭ prysiahu pieršy prezident Respubliki Biełaruś. Bieł-čyrvona-bieły ściah łunaŭ nad našymi dziaržaŭnymi budynkami i ŭpryhožvaŭ zały ŭračystaściaŭ Doma ŭrada, parłamienta, Administracyi prezidenta, Viarchoŭnaha suda, Hienieralnaj prakuratury i inšych dziaržaŭnych ustanoŭ, simvalizujučy suvierenitet i niezaležnaść našaj krainy.
Jamu addavali ŭšanavańni za miažoj u chodzie vizitaŭ biełaruskich dziaržaŭnych delehacyj, uručeńnia davierčych hramat našymi pasłami… Pad im my sustrakali pieršych asob zamiežnych dziaržaŭ, jakija ź vizitami naviedvali našu krainu. Jon simvalizavaŭ vybitnyja pieramohi našych spartsmienaŭ na Alimpijskich hulniach i čempijanatach śvietu, inšych mižnarodnych spabornictvach.
Ź im byli źviazany vielmi važnyja staronki historyi našaj z vami maładoj biełaruskaj dziaržavy. I taptacca pa svaim minułym, kali my hladzim u budučyniu i chočam pabudavać mocnuju, niezaležnuju i kvitniejučuju krainu, na moj pohlad, — niedapuščalna. My pavinny šanavać svaju historyju», — miarkuje Varaniecki.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary