Pad začystku trapiła navat prarasijskaja arhanizacyja «Ruś maładaja»
Niečakanyja pavaroty zdarajucca ŭ pytańni začystki niedziaržaŭnych arhanizacyj, jakaja pačałasia ŭ Biełarusi ŭ siaredzinie lipienia. Pad ataku trapiŭ prarasijski «Rumoł».
3-ha žniŭnia Minski haradski sud pačnie razhlad spravy ab prypynieńni dziejnaści moładzievaha sacyjalna-kulturnaha hramadskaha abjadnańnia «Ruś maładaja». Heta prarasijskaja arhanizacyja, jakuju doŭhi čas uznačalvaŭ Siarhiej Łušč.
«Rumoł» zapomniŭsia tym, što razdavaŭ hieorhijeŭski stužki ŭ Minsku, a taksama arhanizoŭvaŭ «Bieśśmiarotny połk», dazvoł na jaki pastajanna nie davali biełaruskija ŭłady.
Sioleta Siarhiej Łušč sprabavaŭ zarehistravać palityčnuju partyju «Sajuz», ale sutyknuŭsia z admovaj ad Ministerstva justycyi. Łušč niaredka źjaŭlajecca ŭ efirach dziaržaŭnych telekanałaŭ, ale heta nie dało jamu indulhiencyi na palityčnuju dziejnaść.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary