MZS Polščy: Źniščeńnie vajskovych pachavańniaŭ nie źmienić historyi
U MZS Polščy adreahavali na razbureńnie pomnika polskim žaŭnieram u Mikuliškach. Tam zajavili, što hetaja «haniebnaja padzieja» źjaŭlajecca prykładam parušeńnia ciapierašnimi biełaruskimi ŭładami ŭsich abaviazacielstvaŭ u dačynieńni da miemaryjalnych abjektaŭ na svajoj terytoryi.
![](http://drj2r4f8hdghw.cloudfront.net/img/w840d4webp1/photos/z_2022_07/292181367_5239246939461992_3194316974574255958_n-877gi.jpg.webp)
«MZS z abureńniem prymaje paviedamleńnia pra toje, što pachavańnie polskich žaŭnieraŭ u Mikuliškach Hrodzienskaj vobłaści było źniščanaje pa zahadzie biełaruskich uładaŭ. U 1944 hodzie voiny 3-j i 6-j bryhad Armii Krajovaj, składovaj častki Vojska Polskaha, udzielniki apieracyi «Vostraja brama» zmahalisia za vyzvaleńnie Vilni ad niamieckaj akupacyi i zapłacili za heta samy vysoki košt. Asabliva šakuje toje, što biełaruski bok robić hety biesprecedentny napad jakraz napiaredadni hadaviny apieracyi 7 lipienia», — havorycca ŭ aficyjnaj zajavie MZS Polščy.
U viedamstvie padkreślili, što źniščeńnie mahiły bajcoŭ AK u Mikuliškach nahadvaje samyja zmročnyja staronki historyi kamunizmu i, uličvajučy raniejšyja paviedamleńni ab spustašeńni polskich vajskovych pachavańniaŭ, nie moža być uspryniataje inakš, jak naŭmysnaja akcyja pa dalejšym paharšeńni ŭzajemaadnosin pamiž Polščaj i Biełaruśsiu.
«Hetaja vielmi haniebnaja padzieja źjaŭlajecca prykładam parušeńnia ciapierašnimi biełaruskimi ŭładami ŭsich svaich abaviazacielstvaŭ u dačynieńni da miemaryjalnych abjektaŭ na svajoj terytoryi, — adznačyli ŭ MZS. — Likvidacyja polskich mahił i pamiatnych miaścin — jašče adzin i samy jaskravy prykład dziejańniaŭ minskaha režymu suprać palakaŭ u Biełarusi.
My rašuča asudžajem hetuju antypolskuju kampaniju biełaruskich uładaŭ, nakiravanuju na ŭstaranieńnie lubych śladoŭ polskaści ŭ Biełarusi. Razbureńnie vajskovych pachavańniaŭ nie źmienić historyju i nie satre pamiać pra minułaje. Heta jašče raz pakazvaje śvietu varvarstva ciapierašniaha režymu».
Čytajcie taksama:
Kiraŭnik polskaj dypmisii ŭ Biełarusi naviedaŭ zrujnavanyja pachavańni ŭ Mikuliškach
Chto pachavany pad Mikuliškami, dzie biełaruskija ŭłady razburyli mohiłki žaŭnieraŭ AK
Zraŭniali ź ziamloj mahiły žaŭnieraŭ Armii Krajovaj u Mikuliškach na Ašmianščynie
-
Mietrabudaŭniki pakazali, jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ»
-
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh
-
Palitviaźnia Eduarda Babaryku znoŭ buduć sudzić za «niepadparadkavańnie administracyi kałonii»
Kamientary