«Biełaruskim Čerčylem» bačać padpałkoŭnika Sachaščyka?
Prynamsi, tak interpretavaŭ słovy Vadzima Prakopjeva žurnalist Źmicier Pankaviec. Pradprymalnik i ideołah stvareńnia pałka «Pahonia» Prakopjeŭ miarkuje, što dla pieramien u Biełarusi patrebny lidar-siłavik u atačeńni Śviatłany Cichanoŭskaj, pryčym hetaja postać pavinna być prymalnaja Ukrainie.
«Šmat kaho ŭzbudaražyła pramova Prakopjeva na Forumie ŭ Bierlinie, dzie jon prapanavaŭ prystavić Cichanoŭskaj premjer-ministra, jakoha «viedaje ŭsia Ukraina», — napisaŭ u siabie ŭ fejsbuku žurnalist Źmicier Pankaviec. — Ludzi stali hadać, chto heta? Siarhiej Bulba (Čysłaŭ, stvaralnik «Biełaha lehijona» — NN)? Siarhiej Michałok (śpiavak z Brutto — NN)?
Mnie adrazu niekalki čałaviek skazali, što havorka pra lehiendarnaha eks-kamandzira bieraściejskaj desantnaj bryhady Valeryja Sachaščyka, jašče viadomaha jak «Čorny aroł». Heta toj samy aficer, jaki ŭ pačatku vajny va Ukrainie źviarnuŭsia z emacyjnym śpičam da biełaruskich vajskoŭcaŭ, kab jany nie śmieli vykonvać złačynnyja zahady Pucina i Łukašenki. Toje videa nabrała šmat tysiač prahladaŭ.
Spytaŭ u Prakopjeva, ci praŭda heta. Kaža, nie mahu ni paćvierdzić, ni abvierhnuć», — piša Pankaviec.
«Padyšoŭ by Sachaščyk na rolu «biełaruskaha Čerčyla»? — zapytvajecca žurnalist.
Pradprymalnik i ideołah stvareńnia pałka «Pahonia» Vadzim Prakopjeŭ miarkuje, što dla pieramien u Biełarusi patrebny dadatkovy lidar-siłavik u atačeńni Śviatłany Cichanoŭskaj, pryčym hetaja postać pavinna być prymalnaja Ukrainie.
Połk Kalinoŭskaha i bolš małaliki połk «Pahonia» — biełaruskija dobraachvotnickija čaści ŭ składzie ŭkrainskija armii, jakija ŭtvarylisia paśla napadu Rasii na Ukrainu. Mnohija ich bajcy adkryta kažuć, što ich mara — paśla vyzvaleńnia akupavanych ukrainskich terytoryj vyzvalić i Biełaruś. Adnak taki hipatetyčny scenar niemahčymy biez dapamohi Ukrainy i Polščy, što mnohim padajecca małarealnym.
-
Mietrabudaŭniki pakazali, jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ»
-
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh
-
Palitviaźnia Eduarda Babaryku znoŭ buduć sudzić za «niepadparadkavańnie administracyi kałonii»
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh3
Kamientary
vyzvalić i Biełaruś.
_
"otličnyj" płan
«Jesť li u vas płan, mistier Fiks? Jesť li u mienia płan? Da u mienia jesť ciełych tri płana!»
snačała "osvobodili" Hruziju... osvobodili nastolko, čto Ukraina zachotieła potom siebie takoho priekrasno osvoboždiennoho priezidienta Hruzii na dołžnosť kakuju-to tam...
nabludaja takuju cieṕ sobytij... i... vsiačieskich tam artistov, kotoryje chotiat siebie na buduŝieje chotia by portfiel prieḿjera v biednoj Biełarusi...
priedpołahaju, čtoO...
etot zahadočnyj "prieḿjer" - jeśli nie sam zielenskij, to eto jeho žiena
ja uhadała? da?