Połk Kalinoŭskaha sustreŭsia z kiraŭnikom Pravasłaŭnaj carkvy Ukrainy Jepifanijem
Učora adbyłasia aficyjnaja sustreča Pałka Kalinoŭskaha ź Mitrapalitam kijeŭskim i ŭsioj Ukrainy Jepifanijem. Na sustrečy prysutničaŭ namieśnik kamandzira Pałka Kalinoŭskaha Vadzim Kabančuk, vajar Pałka Kalinoŭskaha Pavieł «Dziadźka» Šurmiej, pradstaŭnik Pałka Kalinoŭskaha Dźmitryj Ščyhielski i deputat Viarchoŭnaj Rady Bahdan Jaromienka, pradstaŭnik partyi «Słuha naroda» frakcyi za «Demakratyčnuju Biełaruś», paviedamlaje połk u svaim telehramie.
U rezidencyi pieršaha kiraŭnika PCU, u Michajłaŭskim Załatavierchim sabory abmiarkoŭvalisia pytańni:
— Dośvied Ukrainy pa stvareńni aŭtakiefalnaj carkvy i adychodu ad upłyvu RPC.
— Rola hetaha pracesu ŭ identyčnaści, svabodzie, demakratyi, abaronazdolnaści i kulturnym suvierenitecie krainy. Aktualnaść usich hetych prablem dla Biełarusi siońnia i ŭ budučyni.
— Uzdymałasia pytańnie parušeńnia pravoŭ viernikaŭ i svabody sumleńnia ŭ Biełarusi.
Połk Kalinoŭskaha vykazaŭ ćviorduju i pryncypovuju pazicyju ab biezumoŭnym zachavańni ŭsich pravoŭ viernikaŭ i stvareńni ŭmoŭ, dla realizacyi svabody sumleńnia ŭ Biełarusi, paśla źviaržeńnia dyktatury Łukašenki.
Mitrapalit Kijeŭski i ŭsioj Ukrainy Jepifanij raspavioŭ pra šlach Ukrainskaj pravasłaŭnaj carkvy i ŭkrainskaha hramadstva da atrymańnia tomasa.
Baki damovilisia praciahvać supracoŭnictva.
Adznačajecca, što pravodziacca kansultacyi ab mahčymaści padrychtoŭki biełaruskich śviataroŭ u navučalnych ustanovach PCU.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh4
Kamientary