33-hadovy žychar Śvietłahorska Maksim Zapieka zdaŭsia ŭ pałon USU. Na videa Zapieka kaža, što navučańnie jon prachodziŭ na terytoryi Rasii, vučyli jaho byłyja bajcy PVK «Vahnier», piša Obozrevatel.ua.
Vydańnie ŭdakładniaje, što vajavaŭ biełarus u składzie 150-j dyvizii, 102-ha pałka, 3-ha bataljona, 9-j roty US RF. U pałon zdaŭsia sam bajcam 17-j bryhady ŭ rajonie Bachmuta Danieckaj vobłaści.
Na staronkach u sacsietkach Zapieka ŭkazaŭ, što skončyŭ śvietłahorskuju škołu № 3. Pavodle infarmacyi «Kibierpartyzan», mužčyna rehularna traplaŭ u pryhody ŭ rodnym horadzie: z 2012 da 2019 hoda jaho 13 razoŭ pryciahvali za drobnyja pravaparušeńni, čaściej za ŭsio za znachodžańnie ŭ pjanym vyhladzie, piša «Fłahštok».
Adzin raz Zapieka trapiŭsia na kradziažy praduktaŭ z kramy, a taksama byŭ pryciahnuty da adkaznaści za paškodžańnie ŭvachodnych dźviarej u kvateru.
Vierahodna, u Rasii jon apynuŭsia ŭ źniavoleńni. Mienavita ŭ rasijskich kałonijach, niahledziačy na hramadzianstva, PVK viarbujuć sałdat dla viadzieńnia bajavych dziejańniaŭ.
Ad pačatku navučańnia Zapieki da zdačy ŭ pałon na froncie prajšło ŭsiaho kala čatyroch miesiacaŭ.
-
Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
-
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
-
Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary