Aściarožna, adbyvajucca masavyja sproby ŭzłomu telehram-akaŭntaŭ biełarusaŭ. Raskazvajem, jak abaranicca
Našy čytačy paviedamlajuć, što za apošni miesiac u ich samich abo ich znajomych byli sproby ŭzłamać akaŭnty na biełaruskich numarach. Prostyja praviły dazvolać vam nie dać zachapić akaŭnt.
Što viadoma?
Sproby ŭvachodu ŭ akaŭnt biełarusaŭ adbyvajucca rehularna, ale apošnim časam jany pačaścilisia. Imavierna, heta robiać biełaruskija śpiecsłužby — jany atrymlivajuć sms za čałavieka.
Jak zrazumieć, što vas sprabujuć uzłamać?
Kali vaš telehram-akaŭnt zarehistravany na biełaruski abo rasijski numar i maje ŭklučanuju dvuchfaktarnuju aŭtentyfikacyju, tak zvany «Vobłačny parol», to vam pryjdzie apaviaščeńnie pra niezavieršanuju sprobu ŭvachodu.
Kali ŭ vas niama dvuchfaktarnaj aŭtentyfikacyi, to faktyčna — nijak. Śpiecsłužby mohuć lohka ŭvajści ŭ vaš akaŭnt, spampavać u im što chočuć, vydalić ślady ŭvachodu dy vyjści.
Pieršy etap abarony ad uzłomu — dvuchfaktarnaja aŭtentyfikacyja
Hałoŭnaje, što vam treba zrabić — pravieryć, ci ŭklučanaja ŭ vas dvuchfaktarnaja aŭtentyfikacyja. Kali jana nie ŭklučanaja, to abaviazkova ŭklučycie jaje. Dla hetaha naciśnicie na simvał troch kresak u levym vierchnim kucie ekrana. Abiarycie «Nałady».
Dalej — «Pryvatnaść i biaśpieka».
Dalej naciśnicie «Pryvatnaść i biaśpieka».
Kali nasuprać «Dvuchetapnaj pravierki» napisana «Ukł.», to heta značyć, što dvuchfaktarnaja aŭtentyfikacyja ŭklučanaja. Kali napisana «Vykł.», to varta jaje ŭklučyć. Dla hetaha naciśnicie na punkt «Dvuchetapnaja pravierka».
Paśla naciśnicie knopku «Zadać parol». Adkryjecca mieniu, dzie treba jaho ŭvieści, a paśla paŭtaryć. Źviarnicie ŭvahu — jon musić być unikalnym i adroznym ad inšych vašych parolaŭ, ale nieabaviazkova vielmi składanym. Hałoŭnaje, kab jon nie składaŭsia tolki ź ličbaŭ abo prostych litaraŭ. Hajd pa stvareńni dobraha parola jość tut.
Dalej vam prapanujuć zrabić padkazku dla parola z pary słovaŭ. Rabicie heta pa vašym vybary, hałoŭnaje, kab u padkazcy nie ŭtrymlivaŭsia sam parol. Abo naciśnicie «Prapuścić».
Na nastupnym kroku vam prapanujuć abrać e-mail dla ŭznaŭleńnia akaŭnta na vypadak, kali vy zabudzieciesia parol. Dla biaśpieki heta tak sabie — parol lepš pamiatać, dyj e-mail taksama mohuć uzłamać i zajści ŭ vaš akaŭnt u telehramie. Ale kali vy ŭpeŭnienyja ŭ biaśpiecy vašaj elektronnaj skryni, to možacie abrać e-mail jak opcyju.
Kab źjaviłasia knopka «Prapuścić», spačatku naciśnicie na siniuju strełku, ničoha nie ŭvodziačy ŭ poli e-mail. Paśla hetaha ŭspłyvie akienca z papiaredžańniem.
Naciśnicie «Prapuścić». Dvuchfaktarnaja aŭtentyfikacyja ŭklučanaja.
Pravierka na lišnija pryłady
Paśla hetaha praviercie, ci niama ŭ vašym telehramie čužych pryładaŭ. Dla hetaha viarniciesia ŭ «Nałady» i naciśnicie punkt «Pryłady».
Kali tam jość niejkija padazronyja pryłady, jakich vy nie pamiatajecie, naciśnicie na nazvu pryłady i paśla ŭnizie abiarycie punkt «Skončyć sieans».
Paśla hetaha źjavicca akno paćvierdžańnia. Naciśnicie «Skončyć».
Što jašče možna zrabić?
Pa-pieršaje, pierakanajciesia, što ŭ vas vystaŭlenyja maksimalnyja nałady pryvatnaści. Dla hetaha zajdzicie ŭ punkt «Pryvatnaść i biaśpieka». Maksimalnyja nałady pryvatnaści vyhladajuć tak.
Kali nie, to ŭklučycie ich. Asabliva źviarnicie ŭvahu na toje, kab byŭ schavany vaš numar. Dla hetaha zajdzicie ŭ punkt «Numar telefona». Nałady musiać być takimi, jak na skrynšocie nižej.
Pa-druhoje, pieraniasicie akaŭnt na zamiežny numar. Samy nadziejny varyjant — paprasić čałavieka, jakomu vy daviarajecie, nabyć sim-kartu za miažoj i zarehistravać novy akaŭnt na hety numar.
Mienš nadziejny varyjant — servisy virtualnych numaroŭ. Pra ich my padrabiaźniej pisali ŭ admysłovym hajdzie.
Pa-treciaje, pierapytajciesia ŭ vašych siabroŭ i znajomych u Biełarusi, ci dobra abaronieny ich akaŭnt. Kali nie, to navučycie ich, jak jaho abaranić.
«Naša Niva» — bastyjon biełaruščyny
PADTRYMAĆMy adšukali ŭ Telegram funkcyju, jakaja moža być niebiaśpiečnaj dla biełarusaŭ. Voś jak zaścierahčy siabie i jak zrabić jaje karysnaj
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Telegram i nie tolki — jak pravilna pačyścić miesiendžary, kab nie trapić pad represii. Padrabiazny hajd
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh9
Kamientary
V diekabrie mnie stał nastojčivo pisať v Tielehrammie kakoj-to dobrožiełatiel, kotoryj našioł vsie moi posty v raznych čatach i priedłožił pomoċ mnie ich udaliť.
Tak vot suť! K každomu mojemu kommientariju on prikriepił SSYŁKU NA KOTORUJU NADO NAŽAŤ I KOMMIENTARIJ JAKOBY UDALAJETSIA. NI V KOJEM SŁUČAJE NIE NAŽIMAJTIE NA ETU SSYŁKU.
ETO ŁOVUŠKA. VAS SRAZU VYČIŚLAT I ZA VAMI SRAZU PRIDUT. (Jeśli, koniečno, vy v Biełarusi). Nadiejuś, komu-to eto zamiečanije pomožiet.