Prydybajła: Pratasieviču treba skazać «dziakuj» biełaruskaj dziaržavie, što jon nie paŭtaryŭ los Navalnaha
Supracoŭnik Russia Today Kanstancin Prydybajła raskazaŭ, što pierapisvaŭsia z Pratasievičam. I što ciapier taho vykarystoŭvajuć jak instrumient prapahandy.
Pra pamiłavanaha Ramana Pratasieviča prapahandyst havaryŭ u prahramie «Skažiniemołči» na BT.
«Ja niekali kazaŭ, što žadaŭ jamu śmierci. U tyja padziei jon byŭ voraham — vorah pieramožany. (…)
Jamu treba skazać «dziakuj» Biełarusi i biełaruskaj dziaržavie, što jon nie paŭtaryŭ umoŭna los Navalnaha. Lohka mahło b zdarycca, jaho płakaty visieli b tak i dalej u aeraportach, paśla zavietrylisia b i ich by pamianiali na čužyja inšyja».
Prydybajła razvažaje, što Ramanu ciažka budzie znajści pracu ŭ Biełarusi, bo ŭsie jaho viedajuć.
Paśla prapahandyst vyrašyŭ prademanstravać svaju miłasernaść:
«Supiernik pieramožany, dabivać jaho, napeŭna, nie maje sensu. I što jašče važna, što vielmi baluča bje pa ich — jon ciapier instrumient pa sutnaści našaj z vami prapahandy. I jon heta ŭśviedamlaje. Tamu ja zła jamu absalutna ciapier nie žadaju. Ja staronku pieraharnuŭ. I kali jon jaje pieraharnuŭ — miarkujučy pa tym, što my časam u telehramie pierapisvajemsia, jon tam strym vioŭ svoj, ja jamu napisaŭ, što małajčyna, davaj raskazvaj dalej: jon tam byŭ unutry.
Jaho siabry tak i zastalisia vorahami, jakim ja žadaju, kab jany zdochli».
Čytajcie taksama:
Prapahandyst Prydybajła pryznaŭsia, što baicca sychodu Pucina i Łukašenki
Pratasievič: Ja liču, što mnie pašancavała. Ja vybudavaŭ pravilnuju taktyku
-
Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
-
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
-
Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj
Na pachavańni snajpierki Maryi Zajcavaj u Kijevie byŭ zaŭvažany niezvyčajny bieł-čyrvona-bieły ściah3
Kamientary