Aŭtar pieśni «Lubimuju nie otdajut» paskardziŭsia, što susiedzi načami katujuć jaho siamju jaho ž chitami
Prydvorny kampazitar Jaŭhien Alejnik, aŭtar piesień «Lubimuju nie otdajut» i «Baťka u nas krutoj» paskardziŭsia ŭ instahramie na toje, što z nadychodam ciepłyni jaho susiedzi vielmi hučna ŭklučajuć muzyku na vulicy.
Jaŭhien spytaŭ u padpisčykaŭ, što rabić, kali razmovy z susiedziami i prośby vyklučyć muzyku nie dapamahajuć. Adnoj ź pieršych pryjšła dzialicca mudraściu ŭ kamientaryjach Hanna Kviłoryja, viadučaja BT i žonka pres-sakratara Ministerstva zamiežnych spraŭ Anatola Hłaza. Jana prapanavała padaryć susiedziam dysk «Aŭry» — heta hurt, u jakim śpiavaje žonka Jaŭhiena Julija Bykava i dla jakoha jon piša pieśni.
Niečakana vyśvietliłasia, što chitami jaho aŭtarstva Alejnika taksama katujuć: «Adnojčy nam jaho i pastavili. U hadzinu nočy, kali nam zranku było treba jechać na kancert. Typu «Nu voś tak možna?». «Voś ža chitryja!» — ci to aburyłasia, ci to zachapiłasia Hanna Kviłoryja.
Natalla Vaškievič, jakaja nazyvaje siabie pravasłaŭnym hidam, paraiła źviartacca ŭ milicyju, kali susiedzi «nie razumiejuć pa-narmalnamu». Ale Jaŭhien adkazaŭ, što heta nie jaho varyjant.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary