Rasijskija ŚMI paviedamili pra zatrymańnie Andreja Suzdalcava. Jon abviarhaje
Raniej rasijski palitołah byŭ abvieščany ŭ vyšuk biełaruskimi ŭładami, jaho abvinavačvajuć u stvareńni ekstremisckaha farmiravańnia.
Pra zatrymańnie paviedamiŭ telehram-kanał Shot. Adnak sam Andrej Suzdalcaŭ u razmovie z RBK abvierh infarmacyju pra svajo zatrymańnie.
«Ja nie zatrymany, ja doma. Miarkujučy pa ŭsim, heta niejkaja pravakacyja», — skazaŭ jon.
11 studzienia 2024 hoda MUS RB pryznała «ekstremisckim farmavańniem» telehram-kanał «Andriej Suzdalciev».
Suzdalcaŭ — rasijski palitołah, palityčny kamientatar pa biełaruskaj tematycy. Jon naradziŭsia va Uładzivastoku, u pačatku 1990-ch ažaniŭsia ź biełaruskaj i pierajechaŭ u Biełaruś, dzie staŭ razhortvać prarasijskuju dziejnaść u asiarodku demakratyčnaj apazicyi.
U 2006 hodzie jon byŭ pazbaŭleny dazvołu na žycharstva i vysłany z krainy. Pavodle aficyjnaj farmuloŭki, Suzdalcaŭ staviŭ «pad pahrozu nacyjanalnuju biaśpieku Biełarusi».
Paśla departacyi Suzdalcaŭ asieŭ u Maskvie, dzie staŭ namieśnikam dekana fakulteta suśvietnaj ekanomiki Vyšejšaj škoły ekanomiki.
U kancy sakavika staronka palitołaha Andreja Suzdalcava źnikła z sajta Vyšejšaj škoły ekanomiki, imavierna, praź pieraśled biełaruskimi ŭładami.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary