Pravaabaroncu Valancina Stefanoviča pieraviali ŭ PKT na paŭhoda
«Ale Stefanovič — mocny ducham čałaviek, trymajecca», — kaža jaho siabra.
Pravaabaronca «Viasny» palitviazień Valancin Stefanovič na 6 miesiacaŭ pieraviedzieny ŭ PKT (pamiaškańnie kamiernaha typu), jakoje ŭmovami ŭtrymańnia nahadvaje krytuju turmu
Pra heta raskazaŭ Radyjo Svaboda paśla spatkańnia svajak adnaho ź viaźniaŭ papraŭčaj kałonii № 15, jaki ŭ metach biaśpieki prasiŭ nie nazyvać jaho.
Pavodle krynicy Svabody, na Valancina Stefanoviča akazvajuć pastajanny cisk:
«Siadzić u PKT užo niekalki miesiacaŭ, ale i adtul jaho rehularna sadžajuć u ŠYZA. Byvaje, što i bolš jak na adzin dziesiacidzionny termin. Ale Stefanovič — mocny ducham čałaviek, trymajecca».
Valancinu Stefanoviču 52 hady, jaho asudzili na 9 hadoŭ źniavoleńnia. Raniej było viadoma, što pravaabaronca pracavaŭ na škodnaj dla zdaroŭja vytvorčaści — ačystcy ad izalacyi dratoŭ dla atrymańnia ź ich kalarovych mietałaŭ.
Usiaho ŭ kałonii № 15, jakaja znachodzicca na ŭskrainie Mahilova, bolš za 2 tysiačy viaźniaŭ; viadoma, što ź ich bolš za 100 — palityčnyja.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary